臨近中秋節，總會令人想起人月兩團圓的畫面。對不少日以繼夜工作的香港人而言，中秋節坐低食一餐團圓飯可能是一年鮮有齊人食餐飯的機會。平時不用到的花膠、鮑魚、響螺等食材都會變得炙手可熱，唔多唔少都要煮番兩味先入得廚房出得廳堂。不過沒有太多經驗的我們點算好? 不如我地睇下資深主婦會點做?
通常人一多，就少不免要出動花膠、海參等名貴食材，但係平時最多係煮午餐肉嘅我地，應該點落手好呢? 其實原來一D都唔難!!
已浸發的花膠或海參:
準備大熱水，將薑片，葱段發及料酒加入已浸發好的花膠或海參，汆水後即可去除腥味。汆水時間可因應食材大細厚薄來處理，如大條海參或大塊花膠可以較耐一點，細小的食材則避免時間過長，會溶於熱水中（哭）
急凍花膠或海參:
同樣準備大熱水，將薑片，葱段，酒加入急凍花膠或海參，一滾就要盛起冲水或用冰水降溫，因急凍貨品通常已發至腍身，所以用滾水稍焯即成。
將已焯熟的菜塾底(菜類宜選味道清甜的生菜、白菜、小棠菜、津白等) 鋪上已調好味及埋芡的花膠海蔘，就成為一款美味又層次豐富的菜餚。
鮑魚、響螺:
一般家庭都會煮餐好嘅同時煲一煲靚湯，當中如果用到響螺，鮑魚湯料，其實搖身一變都可以成為一道層次味道豐富的菜喔。
將煲湯後的鮑魚、響螺切片，加入蠔油或雞湯(或原來所煲的湯，可提升味道及顏色) ，埋芡後以預先焯熟的菜塾底，將鮑魚或響螺切片鋪面，就成為一款名貴又美味的過節菜式。
冬菇炆排骨 (升級版)
將冬菇一開四小粒，放入排骨，加入蠔油及水炆煮至熟透，將已煲好湯的將鮑魚或響螺隔乾水切片，拌入已炆好的冬菇排骨，埋芡後以預先焯熟的菜塾底就完成。(按個人喜歡也可以選擇腩肉) 都可以加菜塾底，亦可獨立成為一個餸。
煮婦阿開同大家分享一個小貼士
「我比較鐘意有菜塾底，可以吸收冬菇及排骨的汁，等別惹味」
妳想煮意是一間自負盈虧的社會企業，我們的住家餸盒採用優質食材每日新鮮製作，經洗切醃等處理，隨盒附上「煮婦溫馨提示」及煮食步驟，全程由一群家庭主婦主理，保證住家味道無添加。你只需簡單烹煮，便可快捷地準備晚餐與家人共享，同時以行動支持婦女就業。
Comments