薯仔發芽,食得 VS 唔食得
唔知大家有無見過薯仔發芽?或者你總會聽過「阿媽話發芽薯仔有毒,唔可以食!」,不過上網亦搵到唔少人話「發芽薯仔有毒但係可以食!」。聽到呢到,「已經發芽嘅薯仔究竟食唔食得」,聽到呢個哲學問題相信大家都會「黑人問號」今日我就同大家探討下呢個問題。
![](https://static.wixstatic.com/media/35d048_4c4393d1110a4354ac930b3b404c8425~mv2.jpg/v1/fill/w_980,h_980,al_c,q_85,usm_0.66_1.00_0.01,enc_auto/35d048_4c4393d1110a4354ac930b3b404c8425~mv2.jpg)
網絡圖片
點解薯仔仲會發芽同會變成綠色?薯仔並未有死亡!
首先,我哋要知道薯仔係有生命㗎!薯仔係有生命㗎!薯仔係有生命㗎!重要嘅事情要講三次。亦因為咁,每一粒薯仔都有繁衍後代嘅能力!薯仔就好似一粒種子,當薯仔接觸到陽光時,佢就會開始產生一種色素——葉綠素,呢種色素就會讓薯仔變成綠色,所以薯仔發芽變綠色就代表薯仔已經接觸過陽光。而當佢身處一個有水、有陽光、空氣、營養嘅環境時,佢就會開始發芽、慢慢長大 ,最後開花、結果,繼續繁衍後代如何避免薯仔發芽?其實只要將薯仔放在通風、乾爽、陰暗處,避免接觸陽光即可。例如:用深色膠袋/紙蓋把薯仔蓋好。
![](https://static.wixstatic.com/media/35d048_86ca1bf868414814849e2466320ce07e~mv2.png/v1/fill/w_624,h_334,al_c,q_85,enc_auto/35d048_86ca1bf868414814849e2466320ce07e~mv2.png)
網絡圖片:綠色的色素就是葉綠素
發咗芽變綠色嘅薯仔點解有毒?
啱啱提到,薯仔發芽變綠色就代表薯仔已經接觸過陽光,特別嘅係當薯仔受到陽光的刺激時,薯仔就會在表皮開始產生「茄鹼毒素」。而呢種毒素就會引致食物中毒。根據食物安全中心的資料,「茄鹼毒素」中毒常見的病癥包括嘔吐、神志不清、乏力、視力模糊。
重點! 發芽薯仔仲食唔食得?
根據食物安全中心在07年的研究,茄鹼毒素主要集中在薯仔表皮當中,所以只要削去外皮及發芽的部分,就能夠大大減少薯仔嘅茄堿毒素含量。只要削去外皮、發芽、綠色部分,薯仔仍然可以安全食用。但如果你見到成個薯仔都係青綠色(毒素)就代表薯仔已經中毒已深,就唔好食啦!
![](https://static.wixstatic.com/media/35d048_b87d9788ff9c43dc9a9d3ac4573f2f9c~mv2.jpg/v1/fill/w_609,h_419,al_c,q_80,enc_auto/35d048_b87d9788ff9c43dc9a9d3ac4573f2f9c~mv2.jpg)
圖片來源:食物安全中心
煮熟左發芽薯仔就安全嗎
「茄鹼毒素」耐高溫,「茄鹼毒素」只有溫度超過230°C毒素先會開始分解。而我一般家常用嘅大多數烹調方法(煎、炒、炸)都不會達到230°C。所以,最好的安全食用方法就是應該直接避免進食薯仔有毒素(綠色)嘅部分。
コメント